L’hommage du Collectif Patriotti à Christophe Ettori

L’hommage du Collectif Patriotti à Christophe Ettori

14 janvier 2022 0 Par MMS
Partagez cet article :

Patriotti , u Culletivu di l’anziani prighjuneri pulitichi rend hommage à Christophe Ettori, décédé lors d’un tragique accident de la circulation entre Sartène et Propriano le mercredi 12 janvier.

In mimoria di Cristofanu Ettori.

Diu ha chjamatu troppu prestu à Cristofanu Ettori…

Cristofanu era d’issi ghjovani chi di a Corsica ni avvia cumu monda l’amori, u stintu e u liami. Arradicatu à a so storia, a so cultura e a so lingua ni avvia fattu dinò una sana passioni ch’iddu ci facia sparta par via di u so ingaghjamentu musicali.

Cristofanu era unu d’issi ghjovani chi di a sulidarità par i prighjuneri pulitichi e l’anziani prighjuneri pulitichi ni facia un duveri.

Cristofanu era dinò u nipotu di Micheli Ettori,militenti di sempri, anzianu prighjuneru puliticu.

Pianghjimu oghji un ghjovanottu chi mancarà oramai à ‘ssa Corsica e chi purtaia in cori u sanu avvena di libartà par quali ci avemu tantu datu.

L’intarru si farà luni u 17 di ghjinnaghju in u so paesi d’Ulmetu à tre ori dopu mezziornu.

À tutt’à a so famiglia, a so cumpagna e u so fiddolu, à Micheli u nosciu amicu di sempri, prisentimu i nosci cundulianzi afflitti.

À tè Cristofanu l’eterna gloria in casa di Diu, incu ‘ssi ultimi versi di “Canta u Populu Corsu” didicati par te :

“Dimmila tù, omu di a tarra

Tù radica annudata dimmila

U farru di a sottumissioni

Chi pesa in coddu a tè

Tù chi hai campatu

Forti, com’è una petra bianca

Povaru com’è povara hè a miseria

Mutu com’è u povaru hè mutu

Ma Corsu com’è u Corsu ùn hè piu.

Dimmila tù, omu di a tarra

Causa di a me motta, dimmila

U farru di a sottumissioni

Chi pesa in coddu à tè

À tè pratendu

Forti com’è una petra bianca

Povaru Nò ! Morghi oghji a miseria

Mutu, piu, oghji parlu pà tè

Corsu, si!

Com’è Corsu ùn hè piu

Iè, libaru, quant’eddu si pò essa.”

À vedeci.

PATRIOTTI

 

Partagez cet article :