Patriotti: “Assicuremu a nosciu ghjuventù in lotta di u nosciu sustegnu patriotticu puliticu”

Patriotti: “Assicuremu a nosciu ghjuventù in lotta di u nosciu sustegnu patriotticu puliticu”

23 février 2021 0 Par MMS
Partagez cet article :
Le Collectif d’anciens prisonniers politiques corses, Patriotti apporte son soutien aux jeunes gens qui sont entrés dans l’enceinte de la préfecture lundi.

À FIANC’À SSÀ GHJUVENTÙ CHI SI BATTI

Intrendu in cori di a Priffetura simbulu di a prisenza francesa in Corsica, i ghjovani hani purtatu dui impurtantissimi missaghji :

U primu, cunisciutu chi ramenta à u guvernu, chi ni ha a rispunsabilità parchi hè un drittu, hè l’avvicinamentu  di i patriotti incarciarati e esiliati.

U sicondu spartutu incù quiddi chi ùn  hani ricusatu di battesi contr’à l’uppressioni straniera, hé chi a Priffetura hé è firmarà sempri accessibila e vultarà à mumentu à l’intaressi culletivi nosci.

U sangui d’issa ghjuventù in brama di libartà ha cursu e comu tutti l’atti aggressivi contr’à quiddi chi sempri hani ditu innò à u culunialisimu francesu, ùn faci che rinfurzà a noscia ditirminazioni.

Comu a scrivia tempi fà u militenti storicu e sputicu Natali Luciani, e ùn s’era sbagliatu, ” u sangui corsu par lu rinforzu sempri rinascerà “.

Sciaccamanemu à l’iniziativa d’issa bedd’azzioni !

Par contu nosciu, assicuremu a nosciu ghjuventù in lotta di u nosciu sustegnu patriotticu puliticu. Di pettu à ssa brutta pulitica di l’ustagii tocc’à à i forzi sani e paisani di u nosciu populu à fà fronti.

Tempu di mossa hè.

LIBARTÀ PAR I PATRIOTTI !

LIBARTÀ PAR ALANU FERRANDI, PETRU ALESSANDRI E IVANU COLONNA !

PATRIOTTI

Partagez cet article :